http://abcdxyz.rediffiland.com/Diary of abcdxyzen-usSOCHTA HUN KI MUHABBAT KA FASANAA LIKHUN
WO JO EK SHAKHS HAI USKO MAIN DEWANAA LIKHUN

JISANE JAATE HUE AANE KA WADAA BHI KIYAA
USAKE WADOUN KO MAIN JAANE KA BAHANAA LIKHUN

MERE ASHKON PE HANSE AUR TABASSUM SE KHAFA
USPE KAHATE HAIN KI HAMDARD ZAMANAA LIKHUN

KYA KARUN KIS TARAH ANDAAZ SAJA LUN APNAA
KAISE BARBAAD SE MANZAR KO SUHANAA LIKHUN

JISASE NAZREN BHI MILAANE SE DARAA KARTE HAIN
WAFA KAHUN MAIN USSE KI NIBHANAA LIKHUN

CHALO KUCHH IS TARAH LIKHTA HUN KI ROUNAQ BHI BADHE
MAIN APNE AAPKO MEHAFIL SE KYUN RAWANAA LIKHUN

MAIN TERI YAD MAIN EK BAND QABA ODHA HUN
MAIN CHAANDNI KO HI HER GAZAL MEN VEERANAA LIKHUN

JO PHOOL PICHALE BARAS TUMANE TOR KER PHENKA
USI KA APNI DAIRY MAIN AB THIKANAA LIKHUN

AAJ MAIN LIKH HI DETA HUN WAFAON KA SAFFAR
APNE MANZIL PER PAHUNCH KER WO JALANAA LIKHUN

MAIN JISKO SOCHTA REHTA HUN KHAYALON MAIN BHI
MAIN USKO YAAD BHI AAUN KI BHULANAA LIKHUN]]>Thu, 17 Apr 2008 12:28:54 +0530http://abcdxyz.rediffiland.com/blogs/2008/04/17/SOCHTA-HUN-KI-MUHABBAT-KA.html

MUHABBAT AUR KAHANI


Tumhein Kaisy Batayein Hum
Muhabbat Aur Kahani Mein Koi Rishta Nahi Hota
Kahani Mein
To Hum Wapis bhi Atay Hain
Muhabbat Mein Palatney Ka Koi

Rasta Nahi Hota
Zara Socho!
Kabhi Dil Mein Kharashein Daltii Yaadon Ki Saffakii
Kabhi Daman Se Liptii Hay
Kisi Bhooli Hui Saa'at Ki NumNaaki
Mujhay Dekho...
Mery Chehrey Par Kitnay Mausamon Ki Gard Hay
Aur Iss Gard Ki Teh Mein
Samay Ki Dhoop Mein Rakha Hua Ek Aayina
Aur Aayiney Mein Taa Hadd-e-Nazar Tak Phaily
Muhabbat ke Sitarey Aks Ban Kar Jhilmilatey Hain
Nayii Duniyaoon Ka Rasta Batatey Hain
Lakeeron Mein Kahani Hay
Kahani Aur Muhabbat Mein Azal Se Jung Jari Hay
Muhabbat Mein Ek Aisa Morr Ata Hay
Jahan Aa Kar Kahani Haar Jati Hay
Kahani Mein To Kuch Kirdaar Hum

Khud Farz Kartay Hain
Muhabbat Mein Koi Kirdaar bhi

Farzii Nahi Hota
Kahani Ko Kayii Kirdaar
Mil Jul Kar Kahin Aagay Chalatey Hain
Muhabbat Apney Kirdaron Ko Khud

Aagay Barhatii Hay
Kahani Mein Kayii Kirdaar Zinda Hi Nahi Rehtay
Muhabbat Apney Kirdaron Ko Marney Hi Nahi Deti
Kahani ke Safar Mein
Manzaron Ki Dhool Urrti Hay
Muhabbat Ki Musafat RaahGeeron Ko

Bikharney Hi Nahi Deti
Muhabbat Ik Shajar Hay
Aur Shajar Ko Iss Se Kya Matlub
ke Iss ke Saye Mein Jo bhi Thaka Haara

Musafir Aa ke Baitha Hay
Ab Iss Ki Nasl Kya Hay, Rung Kaisa Hay
Kahan Se Aaya Hay Kis Simt Jana Hay
Shajar Ka Kaam To Bas Chhaon Dena
Dhoop Sehna Hay
Isay Iss Se Garaz Kya Hay
Parrao Dalney Walon Mein Kis Ne
Chhaon Ki Taqseem Ka Jhagrra Uthaya Hay
Kahan Kis Ehad Ko Torra,

Kahan Waada Nibhaya Hay
Magar Hum Jantey Hain
Chhaon Jab Taqseem Ho Jaye
To Aksar Dhoop ki Naizey
Rag-o-Pay Mein Utartey Hain
Aur Iss k Zakhm Khurda Log
Jeetay Hain Na Martay Hain...!!!

]]>Sat, 05 Apr 2008 16:56:26 +0530http://abcdxyz.rediffiland.com/blogs/2008/04/05/MUHABBAT-AUR-KAHANI.html